Eivna da proget „Gös“ illa scoula d’Ardez/Guarda

Dals 18 fin als 22 mai 2026 ha la scoula d’Ardez/Guarda realisà ün’eivna da proget cul tema „Gös“. Ils prüms duos dis eschna gnüts accumpagnats da Denise ed Yves Hess da la Spielbude Zug. Ils uffants da la scoulina fin 6avla classa han imprais a cuognuoscher differents gös da cumpagnia, gös da maisa, gös d’abiltà e gös da cartas. Tanter oter han tuot ils uffants imprais a giovar a jass. Il marcurdi ans han persunas creschüdas da la regiun muossà gös vegls chi gnivan giovà plü bod dals uffants. Ils gös sco titsch-tatsch, stöchels, la plenca, la murra, la capitola e’l gö dal crüzer han pisserà per bler divertimaint.

In gövgia han ils uffants inventà svess gös (vair fotografias agiuntas) ed in venderdi han ils uffants declerà a lur conscolaras ed a lur conscolars gös ch’els han imprais a cugnuoscher.

Nus tuots vain giodü ün’eivna intensiva, ma fich interessanta!