Turnier da ballarait a Sent

Als 13 e’ls 14 da december ha lö pella 45avla jada il turnier da ballarait a Sent.
Giovar po minchün chi giova il gö da ballarait e chi ha üna tscherta colliaziun cun Sent. Ils uffants dal s-chalin ot s’allegran fingià daspö ün temp sün quella fin d’eivna per giovar il turnier insembel culs creschüts. Ils uffants da 3.-6. classa güdan pro la restauraziun.
Il turnier da ballarait es ün arrandschamaint chi collia uffants, giuventüna e routiniers, ün fich bel arrandschamaint chi tocca pro Sent.