cuorsa d’orientaziun a Ftan

Cun ora da bellezza ha gnü lö in marcurdi, 19 settember 2018 üna cuorsa d’orientaziun i’ls gods illa regiun dal IOF. Passa 60 scolaras e scolars da tuot las scoulas dal cumün da Scuol e da l’Institut Otalpin da Ftan han tscherchà posts sün ün dal 3 tragets. La cuorsa es gnüda organisada da la classa da sport insembel cul magister da gimnastica da Scuol, Claudia Janett e l’experta da cuorsa d’orientaziun Annelies Meier chi’d ha fingià organisà differents cuors pellas scoulas dal cumün da Scuol.

A tuot quels chi s’han partecipats pertocca ün grond cumplimaint.