Proget da circus cul circus Lollypop

Dals 17 fin als 21 gün 2024 han las scoulas da Tarasp ed Ardez/Guarda realisà ün proget da circus insembel cul team dal circus Lollypop. Pro quist’aventüra nun han las scolaras ed ils scolars be imprais a cugnuoscher il muond fascinant dal circus, dimpersè han eir sviluppà abiltats preziusas, chi promouvan lur svilup creativ, corporal e social.

Tuot ils partecipants, tant uffants sco eir creschüts, han giodü ün’eivna stupenda.

Grazcha fich al team dal circus Lollypop per lur grondiusa lavur, a las persunas d’instrucziun per lur sustegn e natüralmaing a tuot ils uffants per lur grondischem ingaschamaint.