Pulir pas-ch culla scoula da Sent

Als 27 da mai 2024 ha la scoula da Sent organisà insembel culla società da paurs da Sent ün di da pulir pas-ch. I sun gnüts pulits ils pas-chs da l’alp Telf e da l’alp Prà San Flurin in Val Laver. L’idea da realisar davo divers ons darcheu üna jada ün di da pulir pas-ch culla scoula es naschüda dals scolars e da la scolara da la 9avla classa. Davo avair lavurà e puli il pas-ch sco’ls nars, vaina pudü giodair tuots insembel ün bun giantar cun üna grillada e natüralmaing cul dessert tradiziunal „latmilch e marengas“.
L’idea e’l böt dad uschè ün di es cha’ls uffants da la scoula da Sent vegnan a cugnuoscher ils contuorns e las alps da nos cumün, chi imprendan a far üna tala lavur dadoura, ma eir chi fan üna lavur sco proget social e pel ambiaint. Grazcha fich a tuots pel ingaschamaint e pella buna collavuraziun.