Di da prelecziun svizzer cun Nevin Galmarini

In occasiun dal di da prelecziun svizzer han 30 differentas persunalitats cuntschaintas visità in tuot la Svizra classas da scoula per preleger our da cudeschs. Il di da prelecziun svizzer ha lö minch’on ed ha il böt da sensibilisar ils uffants e giuvenils davart l’importanza dal leger, l’importanza da cumpetenzas da leger per la vita ed eir davart ils aspets positivs dal preleger. Preleger promouva il svilup dals uffants, augmainta il vocabulari e sustegna las abiltats linguisticas.