Eivna da proget „teater“ illa scoula d’Ardez/Guarda

Dals 19 fin als 23 mai 2025 ha la scoula d’Ardez/Guarda realisà ün proget da teater cun tuot ils uffants da la scoulina fin la 6avla classa. Cun agüd da las duos teatristas professiunalas Annina Sedlacek ed Angela Collenberg e dal scenograf Chasper Bertschinger han ils uffants elavurà il toc teater „Il reginom dals sentimaints“. L’eivna es statta ün success ed es gnüda conclüsa cun üna bella rapreschantaziun finala in venderdi saira. Quist evenimaint particular ans restarà in buna memoria.